Call for participation/Appeal letter/ia

From Strategic Planning
Jump to navigation Jump to search

Please note: this text is ready for translation, but please do not distribute it yet.

Es difficile creder que minus de un decennio retro, Wikipedia non existeva. Hodie, 330 milliones de personas usa Wikipedia cata mense. Assi, Wikipedia es le fonte de cognoscentia in linea le plus frequentemente usate in le mundo. Centos de milles de voluntarios ha construite e mantenite le diverse projectos de Wikimedia durante le ultime octo annos.

Ben que nos ha complite multo, il ha ancora un longe cammino a percurrer pro realisar nostre vision de un mundo in le qual omne persona pote liberemente disponer del summa de tote le cognoscentia human. Como pote nos usar nostre successo como base pro superar le defias del futuro? Minus de un quinte parte del population mundial ha accesso a Internet. Ben que centos de milles de voluntarios ha contribuite a projectos de Wikimedia hodie, illes non representa le diversitate total del mundo. Multe decisiones resta a facer durante nostre labor pro construer un movimento mundial pro crear e condivider cognoscentia libere.

Nos comencia un processo de un anno pro disveloppar un plano strategic pro le movimento de Wikimedia. Specificamente, nos tenta comprender:

  • Ubi es nos hodie?
  • Ubi vole nos esser post cinque annos?
  • Como arrivar de ci a la?

Adjuta nos a trovar le responsas a iste questiones. Explora los, analysa los, reflecte super lor signification pro nostre vision e nostre valores. Ecce cinque modos de adjutar:

  • Affilia te con un gruppo de labor. Nos organisa gruppos de labor que explora diverse themas e produce un serie de recommendationes a proposito de illos. Inscribe te pro participar, o forma tu proprie gruppo ad-hoc.
  • Dice nos como tu pote adjutar. Si tu es experte in un del subjectos que nos tracta, strategy:adde te a nostre lista de expertos. Isto permitte a gruppos de labor e altere voluntarios de contactar te con questiones, e tu pote responder quando tu ha tempore.
  • Publica tu ideas. Scribe un proposition in le wiki strategic, e adjuta a organisar e meliorar le propositiones ja presente. Publica ideas in tu blog, a listas de diffusion, e in retes social como Identi.ca, Twitter e Facebook. Adjunge a iste articulos le etiquetta #wikimedia o face ligamines a illos in le wiki strategic de modo que alteres pote vider los.
  • Organisa conversationes super strategia. Pro disveloppar bon planos, un ample participation es necessari. Es impossibile que le gruppos de labor parla con tote le personas que ha ideas super le futuro de Wikimedia. Ma tu pote adjutar con isto! Organisa tu proprie conversationes super strategia, in persona o in linea, e publica le resultatos in le wiki strategic. Il ha patronos e instrumentos pro organisar sessiones strategic strategy:in le wiki strategic.
  • Parla con nos. Communica tu impressiones al equipa strategic. Conta nos tu ideas, tu sperantias, tu timores, tu objectivos pro le projectos. Insere tu material in le wiki strategic, o invia un e-mail a strategyAt sign.svgwikimedia.org.

Si tu non pote participar, considerarea tu facer un donation pro supportar iste projecto critic? Un donation directemente supportara nostre programmas global pro cognoscentia libere. Nos ha tamben besonio de voluntarios pro contribuer a nostre projectos, meliorar nostre technologia e supportar nostre labor de altere modos.

Iste seculo ha presentate a nos un meraviliose opportunitate de transformar nostre civilisation, e de crear equal opportunitates pro tote le esseres human. Nos spera que tu pote collaborar con nos pro condivider cognoscentia con omne persona del planeta.

Cordialmente,
Michael Snow
Presidente del Fundation Wikimedia
Jimmy Wales
Fundator de Wikipedia e del Fundation Wikimedia


Email responder

Gratias pro inviar e-mail al equipa strategic del Fundation Wikimedia. Nos ha recipite tu message e nos lo legera si tosto como possibile. Nos contactara tosto le individuos seligite pro un gruppo de labor. Tu es tamben libere de crear un proprie gruppo de labor, usante le materiales in le wiki de strategia (http://strategy.wikimedia.org) pro reportar tu conclusiones e recommendationes.

Nos te offere nostre optime desiros e gratias pro tu voluntate de adjutar.

Cordialmente,

Sitenotice

  • Adjuta a construer le futuro de Strategic Planning e su projectos-fratres!
    <a href="http://volunteer.wikimedia.org">Lege un littera</a> de Jimmy Wales e Michael Snow.

Title

Le littera de Michael Snow e Jimmy Wales.

Button

Devenir voluntario